Maio é un mes especial. Os campos énchense de flores, os días medran e a sabedoría popular tamén agroma en forma de refráns. No galego, como noutras linguas, maio é protagonista de moitos ditos que falan do tempo, das colleitas e mesmo do estado de ánimo da xente.
Neste artigo recollemos algúns dos refráns máis coñecidos sobre maio en galego.
Refráns de maio en galego
Refráns sobre a predición do tempo
- Ata o corenta de maio a vella aínda queima o tallo.
- Ata o corenta de maio a vella non quita o saio.
- Días de maio tan longo sodes, que morro de fame e morro de amores.
- Febreiro moliñeiro, marzo ventoso e abril chuvioso sacan a maio garrido e fermoso.
- Maio atreboado, ano temperado.
- Maio chuvioso, verán caloroso.
- Marzo ventoso e abril chuvioso sacan a maio florido e fermoso.
Refráns sobre a agricultura
- Auga de abril e xeada de maio, herba para todo o ano.
- Auga de maio, pan para todo o ano.
- Enxame pobre, no inverno nace e no maio morre.
- Maio hortelán, moita folla e pouco gran.
Refráns sobre animais
- A langosta e o cazón, en maio están en sazón.
- A sardiña no maio que a parta un raio.
- A sardiña polo abril, cóllea polo rabo e déixaa ir; por maio ásaa no borrallo e por San Xoán xa molla o pan.
- En maio, aínda bebe o boi no prado.
Refráns sobre santos
- Chuvia na semana da Ascensión, cría nos trigos mourón.
- Marzo espigarzo, abril penderil, en maio gramado, en San Xoán segado.
- Pola Santa Cruz de maio, o lobo e o corvo nado e o raposo medio criado.
- Vai ver se a túa viña reluz o día da Santa Cruz.
Se coñeces máis refráns, déixaos nos comentarios.
2 comentarios en “Refráns de maio: a sabedoría popular que florece coa primavera”
Ata o dez de maio ainda o souto non cobre o gaio.
Recollido no Courel.
Moitas grazas pola achega!