Refráns de febreiro en galego: sabedoría popular para o mes máis curto

A cultura popular galega, rica en tradicións e observacións sobre o ciclo da natureza, reflicte todo isto nos seus refráns. Neste artigo imos descubrir algúns dos ditos máis populares relacionados co mes de febreiro.

Refráns de febreiro en galego

Refráns sobre a predición do tempo

• Cando a Candeloria chora, a metade do inverno está fora; se chora ou ri, a metade do inverno está por vir, e se chora ou fai vento, aínda o inverno está dentro.
• Cando febreiro non febreirea, marzo marcea.
• En febreiro sete capas e un sombreiro.
• Febreiro quente, trae o demo no ventre.

Refráns sobre a agricultura

• A chuvia de febreiro fai o palleiro.
• Auga de febreiro enche o cabaceiro.
• Auga de febreiro, enche o graneiro.
• Auga de febreiro fai o palleiro.

Refráns sobre animais

• A xeada de febreiro mata a vaca e mailo leiro.
• Pola Candelaria casan os paxariños e vaise a galiñola.
• Se queres ter abellas mira por elas nas Candeas e se queres ter mel míraas polo san Miguel.

Refráns sobre santos

• De san Tomé a san Matías poden as noites cos días.
• De santo Tomé a san Matías máis poden as tebras cos días.
• De santo Tomé a san Matías son máis longas as noites cos días.
• Polo San Brais, dúas horas máis.
• Polo San Matías, comenzan as enxertías.
• Polo San Matías igualan as noites ós días.
• Polo San Matías, marzo en cinco días.

Se coñeces algún outro refrán máis sobre febreiro, déixanolo nos comentarios!