A choiva é unha das grandes protagonistas do noso clima e, como non podía ser doutro xeito, a lingua galega ten unha riqueza léxica inmensa para describila. Desde as pingas finas que apenas mollan ata os temporais máis intensos, existen arredor de cen palabras e expresións para referirse a este fenómeno tan noso.
Neste artigo, vas descubrir as múltiples formas de chamarlle á choiva. Prepara o paraugas e mergúllate nesta viaxe pola linguaxe da chuvia.
Chuvia miúda
babuña, babuxa, barbaña, barbuña, barbuza, barrallo, barrufa, barruñeira, barruzo, breca, chuvisca, froallo, lapiñeira, mexadeira, mocalleira, morriña, morriñada, orballo, parrumada, patiñeira, poalla, poalleira, zarzallo
Chuvia intensa de pouca duración
torboada, torbón, treboada, trebón, tromba, tromba de auga
Chuvia forte e abundante
arroiada, diluvio, dioivo
Chuvia forte que dura pouco tempo
basto, bátega, bategada, chaparrada, chuvascada, chuvasco, chuvieira, treixada
Golpe de chuvia forte, abundante e de pouca duración
ballón, balloada
Chuvia ou neve acompañada de vento forte e xélido
brea, cifra, ciobra, rebelaxe, xistra
Chuvia forte e abundante que adoita ser de duración prolongada
decembra
Chuvia intensa acompañada de vento forte
cebra, cebrina
Chuvia conxelada que cae en forma de grans máis ou menos grandes
graínzo, pedra, pedrazo, salpedrés, sarabia
Chuvia moi fina que se desprende da néboa
meleada, melura, molura
Neve miúda mesturada con chuvia, xeralmente acompañada de vento
nevarisca, nevisca
Auga de chuvia moi fría que cae mesturada con neve fina
auganeve, torba
Espazo breve de tempo en que loce o Sol nun día de chuvia
delampo, raeira, raíña, raiola, raxeira, raza, razada, solada, solleirada
Expresións para dicir que chove moito
chove a caldeiros
choce a cantaros
chove ás cuncas
chover a potes
cae auga a xerros
chove a cachón
chove a fío
chove a mares
chove a rego
chove a sellas
chove a trebón
caen chuzos de punta
chove a Deus dar
chove a máis non poder
Expresións para dicir que chove pouco
caen dúas pingueiras
chove dúas pingueiras
chove coma a mexedeira dun can / gato
chove miudiño
Expresións para dicir que sarabia
cae pedra / pedrazo / pedrisco
caen pedras coma puños
cae area
Expresións para dicir que nevisca
Cae auga de neve
Caen charamiscas
Caen charamuscas
Caen farrapos
8 comentarios en “100 palabras para definir a choiva en galego”
Pequena aportación:
Chuvia intensa de pouca duración: Cairo (No zona do Morrazo)
Algunhas destas espresions xa as coñecía pero outras moitas non tiña nin idea así que vou nas engadir a miña lista de vocabulario da miña lingua nai.
Grazas por aportar tanto a esta nosa lingua
Máis unha pequena aportación:
ESTIÑO: Espazo breve de tempo en que deixa de chover, e loce o sol (ou non) nun día de chuvia. (Fonte: o Courel e Bierzo Occidental).
Na zona sur de Pontevedra á chuva miúda, dicímoslle poalla. Está no dicionario da RAG
“Chove máis quenta o sol”…. recibir unha malleira de paus….
Outro refran que non ten nada que ver, máis veume a cabeza…. “Febreiro cos teus dias 28, se durases un mais, non deixabas can nin gato, nin cornas ao carneiro, nin orellas ao pegureiro”….
Moitas grazas polas achegas!
“Chove máis quenta o sol”….