O can é o mellor amigo do home, ou iso din. E mostra diso é a gran presenza que ten este animal na tradición popular galega. Podemos atopar desde refráns até cantigas como esta:
Se queres, miña meniña,
que che vaia visitar
manda prender a cadela
que non fai senón ladrar.
Neste artigo imos renderlle homenaxe a unha das nosas mascotas favoritas con frases feitas sobre cans e cadelas.
A paso de cadela
A paso rápido.
Non ter unha cadela para facer bailar un cego
Non ter cartos.
Can de moitos cucos
Home que anda con máis dunha muller.
Ser un can vello
Persoa astuta, que é difícil enganala.
Seren como o can e o gato
Levárense moi mal.
Deixa andar o can coa roca, que el ha dar conta da mazaroca
O paso do tempo dará a razón
Feo/a como un can
Ser moi feo/a.
Ter cara de can
Ser moi feo/a.
Non hai can que lle ladre
Dise da persoa arrogante.
O meu can colleu unha mosca
Facer ou dicir algo por casualidade.
Vivir/morrer/tratar coma un can
Persoa sen coidados.
Volver ao pasado, como o can ao trousado
Recaer nalgún vicio ou mal costume.
Se coñeces algún dito máis, compárteo nos comentarios!
7 comentarios en “12 frases feitas sobre os cans en galego”
Ollo ó can que a cadela miña
A can franco todo son pulgas.
En febrero busca a sombra o cadelo
Polo pan baila o can.
Facer o que for preciso para atinxir algo.
A carreiriña dun can. (Un paseo curto).
Can que vai a muitas vodas non pode comer en todas. (Querer facer máis do que realmente se pode).
Buen trabajo, Noemí. Recuerdo que mi abuela, de Lamas de Samos, solía decir: Menos mal que me can colleu unha mosca, saculleu e mangeu.
Grazas a ti por esta achega!