Agosto é mes de calor, festas e colleitas. A sabedoría popular galega, transmitida de xeración en xeración, recolle estas experiencias a través de refráns que condensan observacións do clima, consellos agrícolas e tamén advertencias cheas de retranca.
Neste artigo recollemos os refráns que nos conectan co ritmo do campo e coa mirada dos nosos devanceiros sobre o mundo.
Refráns galegos de agosto
Refráns sobre a predición do tempo
- En agosto secan as fontes e en setembro, os montes.
- Lúa de xaneiro non ten compañeiro, senón a de agosto, que lle dá no rosto.
- Se o mes de agosto vén claro, bo magosto e bo nabo; se vén nubrado, poucas castañas e nabos furados.
Refráns sobre a agricultura
- A castaña en agosto quere arder e no setembro beber.
- A chuvia no mes de agosto, non é chuvia que é mosto.
- En agosto madura e en setembro vendima a uva.
- Cando chove por agosto, chove mel e mosto.
Refráns sobre animais
- O porco en agosto pon o entrecosto.
- O que en abril come sardiña, aínda en agosto pícalle a espiña.
Refráns sobre santos
- O millo de san Bartolomeu nin é meu nin é teu.
- O que en agosto non dá cebada, en san Xoán non fai xornada.
- Pasados os Remedios e san Roque, xa non hai sesta nin merendote.
- Por santa Mariña deita o pobre a súa galiña.
- Por santa Mariña deixa o sacho e colle a fouciña.
- Se chove o día de san Pedro Fiz, castañas furadas e nabos ruíns.
Coñeces máis refráns? Déixaos nos comentarios!
