O mes de xullo chega cargado de calor, traballo no campo e vellas sabedorías populares que nos falan do tempo, das colleitas e do carácter cambiante do verán. A través dos refráns, a lingua galega garda un rexistro vivo da experiencia acumulada polo pobo ao longo dos séculos.
Neste artigo recollemos algúns dos refráns máis coñecidos relacionados con este mes, porque a lingua tamén se aprende a través da tradición oral, da retranca e da observación do mundo que nos rodea.
Refráns de xullo
- As abellas da Madalena, Deus as trae e Deus as leva.
- En san Xoán, bótalle a fouciña ao pan; en santa Mariña, da meda fai fariña.
- Entre marzo e abril sae o cuco do cubil, e entre san Xoán e a sega marcha o cuco para a súa terra.
- Pola santa Mariña pinga a sardiña.
- Santiago manda o pan, san Migueliño manda o viño, san Francisco manda a landre e santo André o touciño.
