A Xunta de Galicia acaba de publicar no Diario Oficial de Galicia a convocatoria das probas Celga para o ano 2026. Estas probas permiten obter o certificado oficial que acredita o nivel de coñecemento da lingua galega nos niveis Celga 1, Celga 2, Celga 3 e Celga 4.
Cada ano miles de persoas preséntanse a estes exames para acreditar o seu nivel de galego, xa sexa por motivos profesionais, académicos ou simplemente por interese persoal na lingua.
Quen pode presentarse
Poden participar nas probas todas as persoas maiores de 16 anos ou que os cumpran no mesmo ano da convocatoria, sexan nacionais ou estranxeiras.
Isto significa que tanto estudantes como profesionais ou persoas que están aprendendo galego poden obter unha certificación oficial do seu nivel.
Cando serán as probas
Segundo a convocatoria oficial, os exames celebraranse entre a segunda quincena de maio e a primeira de xuño de 2026. As datas exactas publicaranse posteriormente na web da Secretaría Xeral da Lingua.
As probas realizaranse nas seguintes cidades:
- Santiago de Compostela – Celga 1, 2, 3 e 4
- Ponferrada – Celga 2, 3 e 4
- Madrid – Celga 2, 3 e 4
A sede concreta e os horarios publicaranse xunto coas listas de persoas admitidas.
Prazo de inscrición
Para presentarse ás probas é necesario cubrir o formulario correspondente e pagar a taxa de exame.
O prazo de inscrición é de 15 días hábiles desde o día seguinte á publicación da convocatoria no DOG.
A taxa de exame é de 16,92 € por cada nivel ao que se queira presentar.
A inscrición pode realizarse preferiblemente a través da sede electrónica da Xunta de Galicia.
Como son os exames CELGA
Todos os niveis inclúen unha proba escrita e unha proba oral.
A duración varía segundo o nivel:
- Celga 1 e Celga 2: 2 horas de exame escrito + 10 minutos de oral
- Celga 3: 2 horas e media de exame escrito + 15 minutos de oral
- Celga 4: 3 horas de exame escrito + 15 minutos de oral
A proba oral adoita realizarse o mesmo día que a escrita.
Queres preparar o CELGA?
Se estás pensando en presentarte ás probas, convén comezar a preparalas con tempo.
En Cursos.gal tes materiais específicos para preparar os exames CELGA paso a paso, entre eles:
- modelos de exames reais resoltos e explicados
- guías prácticas para entender como é cada proba
- cuestionarios tipo exame para practicar
- actividades de repaso
- xogos interactivos para reforzar contidos
- vídeos explicativos
Todo o material está pensado para que poidas practicar co mesmo tipo de exercicios que atoparás no exame e chegar ás probas con máis seguridade.
Se queres preparar o CELGA con materiais estruturados e exercicios reais, podes consultar os cursos dispoñibles en Cursos.gal.
