O Apalpador é unha das figuras máis recoñecibles do Nadal galego. Trátase dun carboeiro bo e tranquilo que baixa das montañas do Courel na noite do 24 ou do 31 de decembro para apalpar as barrigas das crianzas, comprobar se medraron fortes e deixar un puñado de castañas e algún que outro agasallo. Esta personaxe recuperouse nas últimas décadas e hoxe forma parte esencial das tradicións galegas de inverno.
Modelos de carta ao Apalpador para imprimir
A seguir, tes diferentes cartas ao Apalpador listas para descargar. Escolle o deseño que máis che guste e imprime o PDF para escribir a túa mensaxe de Nadal ao noso carboeiro.
Que é o Apalpador?
O Apalpador, tamén chamado Pandigueiro nalgúns lugares, é un personaxe tradicional do Nadal galego, especialmente vinculado á serra do Courel. A tradición describeo como un carboeiro grande, de barba longa e roupa gastada polo traballo na montaña. Pasaba o ano elaborando carbón e baixaba unha vez ao ano, na noite do 24 ou do 31 de decembro, para visitar os máis pequenos da casa. A súa misión era comprobar se comeran ben e se medranban. Para iso, apalpáballes a barriga con coidado, deixáballes un puñado de castañas e, ás veces, algún que outro agasallo pequeno.
A súa figura representa valores moi ligados á cultura galega como o respecto pola natureza, a vida no monte, o traballo artesán e o afecto expresado a través de detalles pequenos. A diferenza doutras personaxes do Nadal, o Apalpador non trae regalos grandes nin luxosos, senón un recordo próximo, humilde e cheo de simbolismo. É unha tradición recuperada e fortalecida nas últimas décadas, que hoxe se converteu nun dos sinais de identidade do Nadal en Galicia.
