Como se di “pelirrojo” en galego?

En galego, as cores do cabelo non sempre coinciden co castelán. Palabras como rubio poden significar cousas distintas e iso fai que moita xente cometa erros ao falar.

Aquí imos ver como se di pelirrojo en galego, que diferenza hai con louro e como usar correctamente estes termos no día a día.

Como se di “pelirrojo” en galego?

En galego, unha persoa con cabelo tirando a vermello pódese describir como:

rubio / rubia
roibo / roiba
roxo / roxa

Si, rubio tamén é correcto en galego, pero non significa o mesmo que en castelán.

Exemplos:

É roibo e ten moitas pencas.
Ten o pelo roxo, case cobre.
Era un neno rubio, pero agora tinguiu o pelo.

Como se di “rubio” en galego?

Se en castelán falas de alguén co cabelo claro ou dourado, en galego a forma correcta é:

louro / loura

Exemplo:

Tareixa ten o cabelo louro.

Agora dime ti, na túa zona, como se lle chama á xente con pelo tirando a vermello ou amarelento?