Chega o verán e con el as festas, as verbenas e as noites de troula. Mais hai algunhas palabras moi típicas destas datas que non se adoitan dicir ben, así que imos corrixilas.
Orquesta en galego está mal dito
A forma correcta en galego é orquestra, con -r-. A palabra orquesta, sen ese r, é un castelanismo que debemos evitar.
O mesmo pasa co adxectivo derivado. En galego dise orquestral e o verbo é orquestrar. Sempre con ese r que en castelán non aparece.
Polo tanto, cando vaias ás festas da túa vila ou aldea este verán, xa sabes: vas escoitar unha orquestra!
A forma turreiro non é normativa
O terreiro é o espazo amplo de terra situado no centro de certas aldeas, o lugar onde tradicionalmente se facían os bailes e as festas.
A RAG só admite a forma terreiro. A variante turreiro, moi estendida na fala popular dalgunhas zonas, non se recolle como forma normativa.
Queres saber máis?
Se queres ampliar o teu vocabulario festivo e chegar ás romarías deste verán falando un galego impecable, non te perdas o noso artigo con todo o vocabulario para ir de festa.
5 comentarios en “Dis “orquesta”? Pois estás a dicilo mal”
O de non ‘desautorizar’ formas dialectais se cadra tendes que miralo…
Grazas polo comentario. Neste caso limitámonos a indicar o que recolle o Dicionario da Real Academia Galega.
Ah vale, entendo. Unha cousa, e o ton do blog é así en xeral? Quero dicir, o que di a RAG e máis nada?
Bo día, podes recomendar series en galego de Movistar????
Ola! Lamentablemente non podo facer recomendacións de series de Movistar porque non teño unha conta na plataforma para poder consultar o seu catálogo.