Descubre por que está mal vivir nun pobo

Vives nun pobo? Xa che digo eu que iso é imposible. 

*Vou ao pobo,*o pobo da miña avoa etc. son expresións que non teñen ningún tipo de sentido na lingua galega. Por tanto, cómpre evitármolas.

As entidades de poboación do noso país simplemente son tres: aldea, vila ou cidade.

Entón, que significa pobo?

A palabra pobo fai referencia ao ‘conxunto de persoas que viven nun lugar determinado e teñen en común a lingua, as tradicións ou as institucións’ ou tamén se refire a un ‘conxunto de persoas que están unidas por unhas mesmas crenzas relixiosas, unha orixe común, ou calquera outro lazo’.

Ex.: O pobo arxentino foi ás urnas recentemente. / Na Cidade da Cultura hai unha exposición sobre o pobo xudeu.

Igualmente, podemos empregar o termo pobo para nomear a xente do común en contraposición ás clases con máis poder económico ou social.

Ex.: É un home do pobo.

Pobo non é a única palabra problemática do noso léxico. Se queres coñecer máis, podes ler o artigo Palabras que non son o que parecen.

Comparte!

Que podes ler aquí

Entradas relacionadas

Os 250 erros máis comúns en galego que nunca máis vas cometer

Os 250 erros máis comúns en galego que nunca máis vas cometer