O 17 de maio celébrase o Día das Letras Galegas e este ano a figura homenaxeada é Begoña Caamaño, xornalista, escritora e activista que deixou unha pegada fonda na cultura galega. Para celebralo, preparamos un rosco ao estilo Pasapalabra con preguntas sobre a súa vida e a súa obra.
Cantas es quen de acertares?
Rosco de Pasapalabra sobre Begoña Caamaño
Comparte o teu resultado e desafía as túas amizades!
Para elaborar as preguntas deste rosco tivéronse en conta distintas fontes sobre a vida e obra de Begoña Caamaño, entre elas a biografía publicada pola Real Academia Galega.
Quen foi Begoña Caamaño?
Se algunha resposta che pillou por sorpresa, aquí tes un pequeno resumo para coñecela mellor.
Begoña Caamaño naceu en Vigo e desenvolveu a súa carreira como xornalista de radio, onde traballou durante anos na Radio Galega. Pero máis aló do micrófono, foi unha escritora comprometida coa lingua galega e co feminismo. Nas súas obras deu voz a figuras femininas da mitoloxía e da literatura que a tradición deixara nun segundo plano, como Circe ou Morgana.
As súas obras máis coñecidas son Circe ou o pracer do azul e Morgana en Esmelle, dúas novelas que reivindican a perspectiva feminina dentro de grandes relatos da cultura occidental e da Materia de Bretaña.
Begoña Caamaño foi tamén unha activista comprometida coa igualdade, a sororidade e os dereitos das mulleres, e o seu legado vai moito máis aló das páxinas dos seus libros.
2 comentarios en “Canto sabes de Begoña Caamaño? Xoga ao rosco do día das Letras Galegas 2026”
Poñer máis tempo
Terémolo en conta!