O seu uso é moi limitado na nosa lingua, mais, ás veces, é necesario utilizalo. Imos descubrir cando!
Que é o apóstrofo?
O apóstrofo é un signo gráfico en forma de coma (’) que se emprega nalgunhas linguas para marcar a elisión dunha ou máis vogais nunha palabra.
Cando é necesario empregar o apóstrofo?
O apóstrofo utilízase para:
Contraer as preposicións de e en cando anteceden o título dun libro, película, xornal, revista…
A autora d’ Unha estrela no vento é Ledicia Costas.
Que che pareceu a actuación de Luis Zahera n’ As bestas?
Eliminar fonemas ou sílabas na representación gráfica da lingua oral.
‘ta ben a cousa! (por estar)
D’ aquí en diante (por de)
Elidir fonemas nas composicións poéticas por esixencias da métrica.
E ‘parta d’ai, vella,
déixame pasar!
Oraio da vella
non quixo apartar.
(Cancioneiro da Ribeira de Piquín)
Reproducir apelidos estranxeiro.
Catherine O’Hara gañou un Oscar como mellor actriz.
