O apóstrofo é un signo gráfico pouco frecuente en galego, mais ten usos específicos que cómpre coñecer. Cando se emprega? É correcto usalo en calquera palabra? Descubrímolo neste artigo!
Que é o apóstrofo?
O apóstrofo (’) é un signo en forma de coma alta que se usa en varias linguas para marcar a supresión dunha vogal ou doutros fonemas. En galego, o seu uso é moi limitado, pero en certos casos é necesario utilizalo correctamente.
Cando se usa o apóstrofo en galego?
Hai catro situacións concretas nas que o apóstrofo é imprescindible. Vexámolas unha por unha.
Preposicións e títulos
O apóstrofo utilízase para contraer as preposicións de e en cando anteceden o título dun libro, película, xornal, revista…
A autora d’ Unha estrela no vento é Ledicia Costas.
Que che pareceu a actuación de Luis Zahera n’ As bestas?
Eliminar fonemas
O apóstrofo utilízase para eliminar fonemas ou sílabas na representación gráfica da lingua oral.
‘ta ben a cousa! (por estar)
D’ aquí en diante (por de)
Esixencias métricas
O apóstrofo utilízase para elidir fonemas nas composicións poéticas por esixencias da métrica.
E ‘parta d’ai, vella,
déixame pasar!
Oraio da vella
non quixo apartar.
(Cancioneiro da Ribeira de Piquín)
Estranxeirismos
O apóstrofo utilízase para reproducir apelidos estranxeiros.
Catherine O’Hara gañou un Oscar como mellor actriz.
