Hoxe ensinámosche as mellores páxinas web para descargar nos formatos máis populares (TXT, PDF, DOX, ePub, MOBI etc.) e que así poidas mergullarte na literatura galega e tamén na portuguesa desde o teu móbil, computador ou desde onde ti queiras.
Descargar gratis libros en galego
Galicia Le
Galicia Le trátase dunha plataforma de préstamo de obras en formato electrónico das bibliotecas públicas galegas. Soamente precisas ser socio/a para acceder ao seu amplo catálogo.
Biblioteca Virtual de Literatura Universal en Galego
A Bivir recolle obras en formato PDF da literatura universal libres de dereitos traducidas ao galego pola Asociación de Tradutores Galegos.
epubgalego
epubgalego é unha iniciativa que trata de recoller nun único sitio web os libros electrónicos en formato ePUB escritos en galego.
Biblioteca Virtual da Real Academia Galega
A Biblioteca Virtual da Real Academia Galega contén unha pequena compilación de obras clásicas galegas de autores como Rosalía de Castro, Luís Amado Carballo e Manuel Curros Enríquez, entre outros.
Galiciana
Galiciana integra, ademais de fondos propios da Biblioteca de Galicia, obras dixitalizadas en colaboración coa Universidade de Santiago de Compostela, o Museo do Pobo Galego, a Fundación Penzol de Vigo, a Real Academia Galega, o Seminario de Mondoñedo ou a Biblioteca de Estudos Locais da Coruña.
poesiagalega.org
poesiagalega.org é unha base de datos e un repositorio dixital sobre a poesía galega dos séculos XIX, XX e XXI. Pódese acceder en formato PDF a algunhas obras completas e a diversas publicacións.
Universo cantigas
Universo cantigas trátase dunha edición crítica da poesía medieval galego-portuguesa que ten como obxectivo realizar a edición crítica dixital dos textos da lírica profana, continuando o traballo iniciado co Glosario da poesía medieval profana galego-portuguesa.
AELG
A Asociación de Escritoras e Escritores en Lingua Galega ofrece as súas publicacións e algúns libros en PDF.
Galegobook
O Galegobook é un proxecto sen ánimo de lucro que pretende ser un espazo onde publicar, compartir e conversar sobre un grande número de libros electrónicos que circulan pola rede sobre o galego (lingua, gramática, fonética, sociolingüística, manuais, terminoloxía…).
Bubok
Bubok trátase dunha páxina de autopublicación onde se poden encontrar ebooks en galego gratis.
Son de poetas
Son de Poetas é un blog que recoller unha antoloxía de poesía galega musicada, desde a época medieval até a actualidade.
5 comentarios en “As mellores páxinas web para descargar de balde libros en galego (e en portugués)”
En http://www.play.aritmar.gal pódense ver e ouvir as mellores cancións galegas e portuguesas dos últimos anos, ler os mellores poemas galegos e portugueses dos últimos anos, ver e ouvir os vídeopoemas da mellor poesía galega e portuguesa dos últimos anos, e máis cousas!
E máis cousas como o certame ARi[t]mar! Estaremos atentas ás cancións gañadoras.
play.aritmar.gal
A ligazón da web Bivir non funciona, a correcta é esta:
http://www.bivir.com
E a ligazón do catálogo está aqui:
http://www.bivir.com/bivir-catalogoTR1_.html
Xa está ben a ligazón. Grazas!
Os comentarios están pechados.