Chega o verán e con el as festas, as verbenas e as noites de troula. Mais hai dúas palabras moi típicas destas datas que non se adoitan dicir ben, así que imos corrixilas.
*Orquesta en galego está mal dito
A forma correcta en galego é orquestra, con -r-. A palabra *orquesta, sen ese r, é un castelanismo que debemos evitar.
O mesmo pasa co adxectivo derivado. En galego dise orquestral e o verbo é orquestrar. Sempre con ese r que en castelán non aparece.
Así que este verán, cando vaias ás festas da túa vila ou aldea, xa sabes: vas escoitar unha orquestra!
Tampouco digas *turreiro
O terreiro é o espazo amplo de terra situado no centro de certas aldeas, o lugar onde tradicionalmente se facían os bailes e as festas.
A RAG só admite a forma terreiro. A variante turreiro, moi estendida na fala popular dalgunhas zonas, non está recollida como correcta.
Queres saber máis?
Se queres ampliar o teu vocabulario festivo e chegar ás romarías deste verán falando un galego impecable, non te perdas o noso artigo con todo o vocabulario para ir de festa.
