O Nadal tamén se pode ver en galego. En Netflix hai algúns filmes de temática natalicia que permiten escoller o galego como idioma, unha opción pouco coñecida pero moi valiosa para quen quere consumir lecer na nosa lingua.
Nesta lista recóllense películas de Nadal dispoñibles en Netflix con opción de galego.
Películas de Nadal dobradas ao galego
Scrooge: A Christmas Carol
Adaptación animada do clásico de Charles Dickens. A historia do avaro Scrooge e a súa transformación tras a visita dos espíritos do Nadal mantén toda a mensaxe sobre a solidariedade e o cambio persoal. É unha das poucas películas de Nadal en Netflix con audio en galego, polo que resulta ideal para ver en familia ou con público infantil.
That Christmas
Filme animado que presenta varias historias entrelazadas arredor do Nadal. Ten un ton emocional e accesible, con personaxes diversos e situacións recoñecibles. Xunto con Scrooge, é unha das opcións de cine natalicio dobrado ao galego en Netflix.
Películas de Nadal con subtítulos en galego
Christmas with You
Trátase dunha comedia romántica de Nadal. A trama xira arredor de encontros e reencuentros durante a tempada festiva. Dispoñible con subtítulos en galego.
Falling for Christmas
Comedia romántica protagonizada por Lindsay Lohan. Tras un accidente, a protagonista perde a memoria antes do Nadal e ten que reconstruír a súa vida. Subtítulos en galego dispoñibles.
Best. Christmas. Ever!
Comedia coral centrada nunha reunión familiar con comparacións e enredos. Subtítulos en galego dispoñibles.
Un Conto de Nadal, filme completo en galego en YouTube
Ademais das opcións dispoñibles en Netflix, existe tamén a posibilidade de ver Un conto de Nadal, a adaptación clásica da obra de Charles Dickens, integramente en galego en YouTube.
Trátase dunha dobraxe completa, accesible de balde. É unha opción especialmente interesante para quen busca cine de Nadal 100 % en galego sen depender de plataformas de pago.
Se coñeces máis películas natalicias en galego, déixaas nos comentarios e así poderemos ampliar a lista entre todos e todas!
