A escrita dos números cardinais é ben sinxela. Só debemos seguir unha única regra.
En galego, as combinacións de números a partir do vinte escríbense separadas. Por iso, é incorrecto dicir *vintecatro. A única forma válida é vinte e catro.
Como se escriben os números en galego?
| cero un/unha dous/dúas tres catro cinco seis sete oito nove dez once doce trece catorce | quince dezaseis dezasete dezaoito dezanove vinte vinte e un/unha vinte e dous/dúas trinta trinta e un/unha trinta e dous/dúas corenta cincuenta sesenta setenta | oitenta noventa cen cento un/unha douscentos/duascentas trescentos/-as catrocentos/-as cincocentos/-as, quiñentos/-as seiscentos/-as setecentos/-as oitocentos/-as novecentos/-as mil mil un/unha dous/dúas mil |
É habitual escoitarmos nalgunhas zonas as formas *dazasies, *dazasete, *dazaoito ou *dazanove, mais son incorrectas. A norma establece que os números compostos sobre dez, deben manter o “e”: dezaseis, dezasete, dezaoito e dezanove.
Vintecinco ou vinte e cinco, como es escribe 2025?
Unha das dúbidas que máis nos formularon é como escribir o ano actual, vintecinco ou vinte e cinco?
A resposta segue a mesma regra que para os demais números compostos entre 21 e 29: a forma correcta é vinte e cinco. A forma vintecinco é incorrecta, xa que os números desta franxa van sempre separados pola conxunción e.
