O mes de setembro sempre tivo unha presenza especial na cultura popular galega. É tempo de vendimas, de colleitas e de transición cara ao outono. O traballo no campo, o clima cambiante e as festas de fin do verán deixaron a súa pegada en forma de refráns que agochan séculos de experiencia.
Neste artigo, recompilamos algúns dos refráns máis coñecidos de setembro en galego para que os coñezas, os uses e, se cadra, descubras que seguen a ter vixencia no noso día a día.
Refráns de setembro
Refráns sobre a predición do tempo
- En setembro arden os montes e secan as fontes.
- Setembro, ou seca as fontes ou leva as pontes.
Refráns sobre a agricultura
- A castaña no agosto quere arder e no setembro beber.
- En setembro colle o viño e non durmas no camiño.
- En setembro come e vende, mais non sexa tanto o comer que non deixes que vender.
- En setembro vendima correndo.
- Se queres mel, telo por san Miguel.
- Se queres ter abellas mira por elas nas Candeas e se queres ter mel mira polo san Miguel.
Refráns sobre santos
- Polo san Mateo cada un vendima o seu.
- Polo san Miguel mete as uvas no tonel.
- San Miguel das uvas maduras, que tarde vés e que pouco duras.
- Santiago manda o pan, san Migueliño manda o viño, san Francisco manda a landra e san Andrés o touciño.
Sabías que o mes de setembro tamén se chama san Miguel?
En Galicia, é habitual chamarlle ao noveno mes do ano san Miguel. Se queres coñecer o nome dos outros meses, bótalle unha ollada ao seguinte artigo:
