Algunhas palabras presentan confusión en canto ao xénero, sobre todo, cando estamos aprendendo galego. Por iso, no artigo de hoxe preséntoche aquelas palabras que teñen distinto xénero en galego e castelán.
Son palabras masculinas
o berce, o cárcere, o champaña, o costume, o couce, o cuspe, o diadema, o dote, o éxtase, o fantasma, o fel, o fin (‘obxectivo’), o friame, o labor, o legume, o leite, o masacre, o mar, o mel, o nariz, o prebe, o sal, o sangue, o sinal, o sorriso, o til, o ubre, o xiz…
Son palabras femininas
a acne, a árbore, a armazón, a arte, a augardente, a ave, a avestruz, a bile, a calor, a cor, a culler, a cute, a dor, a eclipse, a énfase, a epígrafe, a feluxe, a ferruxe, a fin (‘final’), a fraude, a fronte, a marxe, a orde, a orixe, a parálise, a paréntese, a ponte, a pube, a roibén, a sebe, a síndrome, a suor…
Regra que non debes esquecer
Son femininas todas as palabras rematadas en –axe, agás o traxe, o paxe e o garaxe.
Exemplos: a bricolaxe, a masaxe, a reportaxe, a viaxe…
